Trafico Sigur

Den bista di e preocupacionnan di comunidad pa motibo di cantidad di casonan di accidente, caminda cu peatonnan ta wordo atropeya y hasta ultimo temponan algun a perde nan bida, Comision di Trafico Sigur ta desea di emiti e comunicado aki cu Tips importante pa conscientisa tanto Chauffeurnan pero tambe Peatonnan. Tur usuario tin un responsabilidad comparti ora cu nan ta participa den trafico. Ta esencial cu ambos partidonan keda vigila proactivamente nan movecionnan den trafico.
Mientras nos campaña cu a cuminsa recientmente ta haci esfuerso pa crea un trafico mas sigur, ta fundamental pa cada partido, chauffeurnan y peaton ta mas consciente di e riesgonan den trafico.

Tips pa automobilis- tanan:

• No parkeer riba acera, ni tampoco roba Zebrapad.
• Percura pa cumpli cu reglanan di trafico.
• Sea alerta na tur momento cu bo ta manehando, pa peatonnan cu por ta canando canto di caminda of cu ta bay crusa, especialmente caminda cu tin Zebrapad, duna preferencia.
• Evita di wordo distrai pa telefoon, musica demasiado duro of otro personan den auto na momento cu bo ta manehando.
• Respeta derechonan di peaton: Duna preferencia na peaton na crusada y interseccionnan caminda tin un zebrapad, y cumpli limitenan di velocidad.
• Eherce precaucion ora cu bo ta yega na areanan unda por tin mas peaton presente; manera scolnan, establecimentonan comercial y zonanan residencial.
• Ora cu bo acerca crusada of rotonde baha velocidad y sea mas alerta pa peatonnan y ciclistanan.
• Evita core auto si bo a bebe alcohol of uza droga.

Tips pa Peatonnan:

• Uza zebrapad pa crusa, si no tin zebrapad, spera un momento oportuno pa crusa.
• Si bo haya preferencia pa crusa di parti di automobilista, toch mira na tur dos banda bon y verifica promer cu bo crusa.
• Evita di cana hopi cerca di caminda of riba caminda.
• Haci uzo di trottoir y evita mas hopi cu por pa cana riba caminda.
• Si tin e posibilidad, cana den e direccion di trafico contrario.
• Semper uza zebrapad ora bo kier crusa caya.
• Si no tin un zebrapad, crusa e caminda serca di un interseccion, manera un crusada of un crusada T of rotonde y warda pa e momento oportuno cu no tin trafico cerca.
• No crusa caya diagonal, si no straight.
• Mira na man robes, na man drechi y atrobe na man robes prome cu bo pone bo pia riba caminda.
• Na momento di crusa, hasi contacto visual cu automobilistanan prome cu crusa caya pa sigura cu nan ta mirabo.
• Si e auto su glas ta getint hopi scur y cu bo no por mira e chauffeur; duna nan un señal, of mihor bo laga e auto ey pasa bay pa despues bo crusa.
• Evita distraccionnan manera uzo di telefon of scucha musica den headphone na momento cu bo ta crusa caya.
• Sea alerta y consciente di bo alrededor.
• Si bo ta bay cana anochi uza paña di color cla y cana c’un flashlight of accesorionan di lusnan led na bo curpa, pa asina bo por wordo mira.
• Si bo ta cana cu mucha, supervisa nan ora di cana y tene nan man na momento di crusa caya.
• Evita cana riba caya si bo a bebe alcohol of consumi droga pasobra bo no por tene bo balans debidamente, sin cu bo ta consciente bo por cuminsa cana riba caminda.
• Tene cuenta cu espacionan comparti manera pa ciclistanan, tira bista bo tras y den distancia bo dilanti.
• Evita di crusa caya entre autonan cu ta staciona, bo vision ta limita y chauffeurnan no ta spera un hende crusa tras di nan auto.

Den trafico mester tin respet pero tambe responsabilidad mutuo pa asina nos por tin un trafico sigur pa un y tur. Ban laga nos compromete nos mes cu e slogan di nos campaña, Ban Salba Bida, Scoge pa Siguridad.

Pa mas informacion bishita http://www.traficosigur.aw