Borchinan di trafico
-
Velocidad Maximo
E velocidad maximo. Ta prohibi pa core mas cu e velocidad cu ta aparece ariba e borchi (den km pa ora).
-
Caminda di Preferencia
Caminda di preferencia. Nos tin preferencia ariba ful e caminda te ora nos mira borchi B2. E ta conta solamente pa manehador nan, no peaton.
-
Crusada di Preferencia
Crusada di Preferencia. Tene na cuenta cu bo tin preferencia solamente na e crusada unda e borchi ta poni. Tambe tene na cuenta cu e tin e forma triangular color cora cual ta un borchi di advertencia. Aunke mi tin preferencia, mi semper tin cu corda cu mi ta manehando…
-
Duna preferencia na crusada
Duna preferencia na manehadornan cu ta crusa e caminda. E borchi aki ta presente na crusadanan of rotondenan. Mi tin cu para duna preferencia na e manehador nan cu ta ariba e caminda of crusada di preferencia. E ta conta pa manehadornan so, no pa peaton.
-
Stop y duna preferencia
Stop, duna preferencia na manehadornan cu ta crusa e caminda. E borchi aki tin mesun significacion cu e borchi B4. E borchi aki por wordo mira na crusanan grandi, of peligroso sin mucho bon bista pa e manehador. E ta conta pa manehadornan so, no pa peaton.
-
E caminda ta cera pa tur trafico
E caminda ta cera pa tur trafico den ambos direccion, cu excepcion di peaton. No por drenta den e caya aki como manehador den ningun direccion, solamente como peaton ta permiti pa drenta. Ehempel di e borchi aki ta parkeerplaats di Arubus cu ta prohibi tur manehador pa drenta e…
-
Caminda di un direccion
Caminda di un direccion. Tur trafico por drenta. Unabes mi drenta e caya aki mi no por ‘reverse’ of haci un “u-turn”.
-
E caminda ta cera pa
E caminda ta cera pa vehiculo di motor ariba mas cu dos wiel. Tur vehiculo cu tin motor y tin 3 wiel of mas no por drenta.
-
Direccion obligatorio
Indicando un retonde. E direccion ta obligatorio (si mi core den e direccion opuesto cu e flecha nan ta mustra mi lo core den trafico contrario).
-
Prohibi pa staciona
Prohibi pa staciona (parkeer/ warda). E ta conta na e banda di caminda cu e borchi ta poni, cu excepcion na e parti di caminda cu ta destina pa staciona (Mino por staciona pero mi por para si hopi lihe pa subi of baha persona, carga of descarga. Ban haci…
-
Prohibi pa para
Prohibi pa para. E ta conta na e banda di caminda cu e borchi ta poni cu excepcion na e parti di caminda cu ta destina pa staciona (Si mi no por para, cual ta un accion hopi lihe, mi unico opcion cu borchi E2 ta sigui core).
-
Sitio of lugar pa staciona
Sitio of luga pa staciona. (Manehador di tur tipo di vehiculo por staciona akinan).
-
Sitio pa peaton crusa caya
Sitio pa peaton crusa caya. Borchi cu ta indica cu e peaton tin preferencia pa crusa caya, lo mira liña preto cu blanco pinta ariba caminda indicando pa e peaton crusa.
-
Manehadornan for di direccion contrario
Prohibicion pa coredonan sigui core ora cu trafico contrario ta acercando (Den un caya smal cu 2 vehiculo no por sigui core na mesun tempo, ora di mira borchi F5 nos ta prohibi pa sigui core pa asina e trafico contrario por pasa sin ocaciona accidente. Unabes cu no tin…
-
Prohibicion pa vehiculo pasa otro vehiculo
Prohibicion pa vehiculo di motor ariba mas cu dos wiel pasa otro vehiculo di motor ariba mas cu dos wiel (tur vehiculo cu tin motor y tin 3 wiel of mas, no por pasa un otro vehiculo di motor cu tambe tin 3 wiel of mas. Auto por pasa brommer,…
-
Prohibicion pa bira
Prohibicion pa bira (lora) bay bek (U-Turn). (U-Turn ta keda un peliger den nos trafico, no ta pasobra no tin borchi di prohibicion di U-Turn tur caminda, ta significa cu si por haci esaki, te ne na cuenta cu tin liñanan pinta ariba caminda cu nos no por crusa, y…
-
Fin di tur prohibicion
Fin di tur prohibicion duna door di borchinan.Ora un prohibicion yega su final, lo mira e 3 liñanan aki pinta diagonal y di color blanco. Tuma ehempel di borchi A2, F2 y F4.
-
Pista pa bicicleta
Pista obligatorio pa bicicleta (Bicicleta su luga oficial pa participa den trafico ta ariba caminda, mas man drechi di caminda cu ta posibel. Unabes cu tin borchi G1, e manehador di bicicleta ta prohibi pa ta ariba caminda. Ehempel na Green Corridor, Watty Vos Boulevard).
-
Parti Habita
Parti Habita: 2 area na Aruba nos ta mira e borchi aki cu ta den area di San Nicolas y area di Oranjestad. Cu e borchi aki automaticamente tin reglanan cu nos mester mantene na dje. No mag di core mas cu 50km pa ora, no mag cende lus na…
-
Superficio di caminda den mal condicion
Superficie di caminda den mal condicion (Baha velocidad pasobra e caminda ta den mal estado. Por tin di haber cu e caminda ta bou di construccion).
Papiamento 
English 
Español