Trafico Sigur

E importancia di uza Child Seat (stoel pa mucha den auto).
Buckle up for safety. Esaki ta un dicho cu nos tur a yega di tende. Pero ora ta trata di e pasaheronan di mas chikito, e peliger ta bira mas halto.
Laga nos explora dicon ta importante pa sigura nos muchanan den auto:

• Bo tabata sa cu accidente den trafico ta e causa principal di morto di muchanan rond di mundo? Segun World Health Organization (WHO), mas o menos 1.35 miyon persona ta perde nan bida den accidente nan di trafico cada aña, den cual muchanan tin un riesgo peculiar.
• E uzo di child seat ta yuda reduci e probabilidad di morto entre infante (baby) cu 71% y 54% pa muchanan den auto. Fuente: The National Highway Traffic Safety Administration (NHTSA).
• Uzo di Booster Seat ta reduci e riesgo di lesion den trafico cu un 45% entre mucha nan di edad 4-8, compara di e mucha ta uza seat belt so.

E responsabilidad como mayor y cuidador di un mucha ta pa proteha nos muchanan. P’esey Salba Bida y Scoge pa Siguridad.

CONSEHO IMPORTANTE TOCANTE SIGURIDAD DI CHILD CAR SEAT PA AUTO.

• Pa ley un mucha mester sinta den un sienta pa mucha den un auto, e ta ser yama Childseat na ingles. Pues si bo tin un yiu chikito mihor bo cumpra un of si bo recursonan ta limita, busca un Child seat na Wit Gele Kruis.
• Informa bo mes bon cua Child seat pa cumpra.
• Un baby mester sinta den un Child seat cu ta den posicion di mira patras mas tanto tempo posibel, mayoria bes te cu 2 of 3 aña of mas, te segun nan tamaño y instruccion di e Child seat.
• Ta te na momento cu e yiu a crece y no por sinta mas den e Child seat inicial, e ta cla pa cambia di Child seat cu ta mira padilanti.

Tips con ta instala un Sienta di auto pa mucha.

1. Pa instala un Child seat bo mester decidi si lo bo uza e seatbelt of e anker mas abao (lower anker) si bo auto tin, pa sigura bo Child seat den e auto.
2. Ambos ta sigur, pero no uza nan dos na e mesun momento.
3. E Child seat no por ta mas halto visibel cu e sienta di e auto.
4. E mucha mester keda sinta den un angulo bayendo patras di 30 pa 45 grado vertical, asina nan ta hala rosea facil y nan no ta cay dilanti si nan bay soño.
5. E Child seatnan awendia ta bin cu cierto indicadornan pa yudabo instal’e na e angulo corecto.
6. Ora cu bo yiu ta sinta mirando padilanti, ta importante pa uza e sosten di cabes, cabecera cu e seatbelt of lower anker (ankr’e mas abou).
7. Si bo yiu ya ta sinta den un Child seat cu ta mira dilanti, semper sigura cu e parti cu e asiento ta mara of wanta y cu e ta firme, sea ta cu e seatbelt of cu e ankernan. Den caso di un accidente e ta tene e asiento y e mucha den su lugar sin mucho movecion.
8. Aunke bo por ta pura no lubida di pone e harnas of seatbeltnan cu ta pasa over di su shouder pa lock dilanti na su barica, e mester keda firme pero no mucho preta.
9. Despues cu caba di instala e Child seat test e cu algun movecion fuerte pa wak si el a keda bo ankra of mara.
10. Cumpra of haya un Child seat di e tamaño corecto y percura pa ankra esaki bon pa e brinda e mihor proteccion posibel pa bo yiu.
11. Ora bo kier cambia e Child seat mira e etiketa cu ta bin cu e Child seat pa confirma si bo yiu ainda ta den e limitenan di peso, altura, y edad pa e asiento ey.
12. Awendia tin Booster seats, bo por tene e muchanan sinta den nan te cu e edad di 10 pa 12 aña.
13. Informa bo mes bon na ki momento e cambio di sienta pa bo yiu mester sosode.
14. Te recomendabel pa laga mucha sinta patras te cu e edad di 13 aña, esey ta e lugar sigur pa nan sinta.

Si bo tin cualkier duda con bo child seat ta instala puntra un experto di siguridad of un Polis.