Trafico Sigur

E caminda ta cera pa tur trafico den ambos direccion, cu excepcion di peaton. No por drenta den e caya aki como manehador den ningun direccion, solamente como peaton ta permiti pa drenta. Ehempel di e borchi aki ta parkeerplaats di Arubus cu ta prohibi tur manehador pa drenta e caminda ey, solamente bus nan di Arubus ta permiti pa drenta. Otro ehempel ta entrada di WAF na L.G Smith Boulevard. Den pasado door di trafico druk, mane ha dornan tabata corta den e parkeerplaats ey pa mas lihe, awor solamente Taxista nan y manehadornan cu vergunning “Ongeregeld” of di “Tour” so ta permiti pa drenta.

E caminda ta cera pa tur trafico den un direccion so, cu excepcion di peaton. E borchi aki ta traha hunto cu e borchi C3. Caminda ta cera den e direccion unda mi ta mira e borchi. Mi tin cu pasa rond pa asina por drenta e caya aki.