Trafico Sigur

E uzo di Faha di Siguridad ta e manera mas efectivo pa salba bida y reduci lesion den trafico entre adultonan y hobennan suficientemente grandi pa bisti un faha di siguridad.

Camindanan ta yen di curva y biradanan inespera y no por premira na ki momento peliger ta acerca. Eynan ta unda bo faha di siguridad ta bira bo linea di bida.

DICON TA IMPORTANTE PA BISTI BO FAHA DI SIGURIDAD?

• Segun World Health Organization (WHO), faha di siguridad ta baha e riesgo di morto cu mas o menos 45%. Esey ta manera cu tin un escudo cu ta proteha bo contra daño den casi mita di e biaha nan cu situacionnan peligroso ta presenta bo dilanti riba caminda.
• Faha di siguridad ta reduci e riesgo di herida serio cu mas o menos 50% segun (The Centers for Disease Control and Prevention (CDC))
• Cifranan global ta indica cu 50% di esnan cu a perde nan bida den trafico no tabata tin faha di siguridad bisti na momento di impacto (The National Highway Traffic Safety Administration (NHTSA)
• faha di siguridad pa e persona sinta patras. Hopi biaha nos ta enfoca na bisti faha di siguridad ora nos ta sinta dilanti, sea ta e chauffeur of e pasahero sinta dilanti, pero bisti faha di siguridad patras tambe tin su importancia.

Den caso di un accidente, si un persona sinta patras no tin su faha di siguridad bisti, su curpa por wordo expulsa for di e auto pero tambe pusha na e asiento dilanti cu hopi forsa y ocaciona daño serio of hasta mata e persona sinta dilanti.

Segun ley di trafico di Aruba, ta obligatorio pa e conductor di e auto bisti su faha di siguridad, e persona sinta banda di e conductor, y muchanan bou di 12 aña sinta patras (Art. 45 lid 1 t/m 3 Landsbesluit Verkeersregel AB 1999 no. 39).

Bo Faha di Siguridad ta crucial pa sobrevivi un accident. Haci’e un custumber pa Salba Bida Y Scoge pa Siguridad.